Velferðaráðuneytið og Vinnumálastofnuna standa í sumar fyrir átaksverkefni til að fjölga störfum á vegum stofnana ríkisins og sveitarfélaga,  fyrir námsmenn og atvinnuleitendur. Fornleifavernd tekur þátt í þessu átaki og í boði er fimm störf, þ. á m. skráningarstörf, staðarvörður á Þingeyrum og skipulag Húshólma sem er friðlýstur staður á Reykjanesinu. Áhugasamir eru beðnir um að kynna sér störfin á síðu Vinnumálastofnunar (www.vinnumálastofnun.is).

Archaeology of the recent past in the North Atlantic: problems and potentials

Nú í vetur hefur Félag íslenskra fornleifafræðinga og Fornleifafræðingafélag Íslandsboðið upp á röð fyrirlestra sem eiga það sameiginlegt að falla undir svið nútímafornleifafræði (frá 19.-20. öld). Síðasti fyrirlesturinn í þessari röð verður haldinn núna á fimmtudag, 19. maí. Að þessu sinni mun dr. Gavin Lucas, dósent við Háskóla Íslands gefa yfirlit um rannsóknir á sviði nútímafornleifafræði á Norður-Atlandshafssvæðinu og setja íslenskar rannsóknir um efnið í stærra samhengi. Í kjölfarið verður boðið uppá umræður og m.a. stefnt að því að ræða framtíð slíkra rannsókna hérlendis, möguleika þeirra og takmarkanir, m.a. í lagaumhverfi sem kann að vera að breytast. Sem fyrr er fyrirlesturinn öllum opinn og ókeypis. Fyrirlesturinn verður fluttur á ensku og að neðan er að finna stutta samantekt um efni hans.

Mikið af fornleifafræðilegum gögnum hafa landfræðilega tilvísun og er því tilvalið að miðla upplýsingum um fornleifar á vefsjá. Fornleifavernd ríkisins er þessa dagana að taka í gagnið sína vefsjá. Í fyrsta áfanga

eru sýnd í vefsjánni þau svæði sem þegar hafa verið skráð á vettvangi með hlekk í skýrslu ef höfundar hafa gefið leyfi til. Unnið er að því að setja inn og yfirfara þessar upplýsingar en grunnvinnuna unnu

Margrét S. Kristjánsdóttir og Davíð Bragi Konráðsson.